Списанието Современа филологија (СФ) е меѓународно електронско списание со двојно рецензирање, коешто објавува научни статии што се однесуваат на сите аспекти на лингвистиката, применетата лингвистика, литературата и културолошките студии. Списанието настојува да привлече висококвалитени статии кои претставуваат оригинални истражувања, посветени на апликативната дејност, теоријата, методологијата и преведувањето, со посебен осврт на современите тенденции во овие области. СФ ги повикува авторите да приложуваат досега необјавени статии и рецензии на книги на англиски и на македонски јазик. Списанието излегува два пати годишно, како издание на Филолошкиот факултет „Блаже Конески“ при Универзитетот „Св. Кирил и Методиј“ во Скопје.